കാലം അതിന്റെ യാത്രാക്കുറിപ്പി ല് 2012 എന്ന
അദ്ധ്യായം കൂടെ പൂര്‍ത്തിയാക്കിയിരിക്കുന്നു .പതിവുപോലെ കുറെ കണ്ണീരണിഞ്ഞ ദുരന്തങ്ങളുടെയും ,സന്തോഷത്തിന്റെയും നേട്ടങ്ങളുടെയും മറ്റു സംഭവവികാസങ്ങളുടെയും കഥപറയുന്ന ഒരധ്യായം....പക്ഷേ , ഇത്തവണ ഈ അദ്ധ്യായം പൂര്‍ത്തിയാവുമോ എന്ന് മാലോകര്‍ സംശ യിച്ചിരുന്നു .മായന്‍ കലണ്ടര്‍ കൊണ്ട് കാലത്തിനു കടിഞ്ഞാണിടാമെന്ന പ്രവചനങ്ങള്‍ ആ സംശയത്തെ പിന്താങ്ങുകയും ചെയ്തു .എന്നാല്‍ ,പ്രവചനങ്ങളെല്ലാം കാമ്പില്ലാത്തവയാണ് എന്നു
തെളിയിച്ചുകൊണ്ട്
2013 ജന്മമെടുത്തി രിക്കുന്നു .....
വര്‍ണ്ണനകള്‍ക്കതീതമായ, ഈ പ്രപഞ്ചത്തിലെ ജീവന്റെ തുടിപ്പുള്ള ഈ ഗ്രഹത്തിന്റെ, ഒരു കോണിലിരുന്നു ഞാനും ഈ പുതുവര്‍ഷത്തെ വരവേല്‍ക്കുന്നു .
ഒരു പുതുവര്‍ഷപ്പിറവിയ്ക്കുകൂടെ സാക്ഷിയാവാന്‍ ആയുസ്സുതന്ന പ്രപഞ്ച ശില്പി ക്കു നന്ദി .........
മര്ത്യജന്മത്തില്‍ ഇത്ര ദൂരം പിന്നിട്ടെന്നു കാണുമ്പോള്‍ ഏറെ സന്തോഷം തോന്നുന്നു .എന്നാല്‍ പിന്നിട്ട വഴികളിലേക്ക് തിരിഞ്ഞുനോക്കുമ്പോള്‍ , പലയിടങ്ങളിലും വച്ച് ലോകാവസാനം യാഥാര്‍ത്ഥ്യമായെങ്കിലെന്നു ആഗ്രഹിച്ചുപോവുന്നു. .മനുഷ്യനു മാംസത്തിന്റെ വിലപോലും നല്‍കാന്‍ മടിക്കുന്ന ഇരുകാലികളുടെ മുഖം ,നാളെയൊരുദയം ഉണ്ടാവരുതെയെന്നു പ്രാര്‍ത്ഥിക്കാന്‍ പ്രേരിപ്പിക്കുന്നു .വ്യക്തികളും ബന്ധങ്ങളും മനുഷ്യത്വവും മാനഭിമാനങ്ങളും ,വിപണിയിലെ വിലയിടിഞ്ഞ വില്പനച്ചരക്കായി മാറുന്ന സ്ഥിതിവിശേഷത്തില് പ്രതീക്ഷയുടെ പുത്തന്‍ പുലരിയെക്കാള്‍ , ചക്രവാകസീമയില്‍ മറയുന്ന വെളിച്ചത്തോടാണ് ആര്‍ക്കും പ്രിയം തോന്നുക .
ധരിത്രീ ഗണത്തില്‍ ജന്മം കൊണ്ട മനുഷ്യജന്മത്തെ തലസ്ഥാന
നഗരിയില്‍
വച്ച് കൊത്തിപ്പറിച്ച വാര്‍ത്ത കണ്ടപ്പോള്‍ ,ഒരുനിമിഷം നാളെ വിളിച്ചുണര്‍ത്താന്‍ ഈ ലോകം അവശേഷി ച്ചില്ലെങ്കിലെന്നു ആശിച്ചുപോ യി .......
പക്ഷേ ,വീണ്ടുമിതാ പുലരികള്‍ കടന്നുവരുന്നു ....ഒരുപക്ഷേ ,വരാനിരിക്കുന്ന നിമിഷങ്ങള്‍ നല്ലതാവാം .....'പ്രതീക്ഷ'യെന്ന വാക്കിനു ഭംഗിയേറ്ന്നത് ഈ അവസരത്തിലാണ് .
കാലചക്രമുരുളുന്ന
വീഥിയില്‍ വിടരുന്ന ഓരോ നിമിഷവും നന്മയും സന്തോഷവും നിറഞ്ഞതാവുമെന്നു നമുക്ക് പ്രതീക്ഷിക്കാം .
2013
എന്ന അദ്ധ്യായം കൂടെ കാലാമെഴുതിച്ചേര്ക്കുമ്പോള്‍ അതിന്റെ ഏടുകളില്‍ കണ്ണീരില്‍ കുതിര്‌ന്ന അക്ഷരങ്ങള്‍ ഉണ്ടാവാതിരിക്കട്ടെ ..മാനുഷികമൂല്യങ്ങളിലും മനുഷ്യത്വത്തിലുമൂന്നിയ ഒരു പരിവര്‍ത്തനം 2013 ലോകത്തിനു പ്രദാനം ചെയ്യട്ടെ എന്ന പ്രാര്‍ത്ഥനയോടെ നേരുന്നു
ഹൃദയം നിറഞ്ഞ പുതുവത്സരാശംസകള്‍ ....
